من نحن

منصة سورية للنقل: بتطلب تكسي داخل مدينتك، بتلاقي رحلة بين المحافظات، وبتشارك رحلتك مع غيرك حتى تتقاسموا الأجرة.

بتشتغل من المتصفح ومن تطبيق على جوالك، وبلا ما تحتاج خدمات جوجل — فبتشتغل على أي جهاز، حتى القديم والرخيص.

التنقّل بسوريا صعب: الأجرة بتتفاوض عليها كل مرة، وما بتعرف السائق مين، ولا وين صار، ولا كم بدها الطريق. وبين المحافظات الوضع أصعب — بتوقف على كراج وبتنتظر ما تعرف شو.

عملنا المنصة حتى يكون الأمر واضح من الأول: بتشوف الأجرة قبل ما تطلب، بتعرف السائق ورقم سيارته، وبتتابع وين صار على الخريطة.

تكسي داخل المدينة
بتحدد نقطة الانطلاق والوجهة، بتشوف الأجرة والمسافة قبل ما تأكّد، وبتشوف السائقين القريبين منك على الخريطة.

رحلات بين المحافظات
السائق بينشر رحلته ومقاعدها وسعرها، والراكب بيحجز مقعده. بتعرف وقت الانطلاق ومكانه وشروط الرحلة قبل ما تحجز.

مشاركة رحلة
رايح على نفس الطريق؟ شارك رحلتك وتقاسموا الأجرة.

محفظة ودفع
كاش للسائق، أو من المحفظة، أو شام كاش بباركود.

الأجرة بتنحسب بالمسافة، وبتشوفها قبل ما تطلب. ما في رفع سعر بأوقات الزحمة بلا ما تعرف، وما في رسوم بتظهر بالآخر.

لما تلغي طلب بعد ما السائق طلع لعندك، في رسم إلغاء — منقلّك ياه بالضبط قبل ما تأكّد الإلغاء، لأنه من حق السائق يتعوّض عن طريق مشيه.

موقعك منستعمله وقت الرحلة بس، حتى نلاقيلك سائق قريب ونعرف مسارك. رقمك ما بيشوفه غير السائق اللي أخد رحلتك.

كلمة سرّك محفوظة مشفّرة — ولا حدا عنا بيقدر يشوفها، ولا نحنا.